Бүсгүй хүний үнэр
Монголд сексийн боловсрол олж авах шиг хэцүү зүйл надад байгаагүй байх. Өөрийгөө бисексуал гэж мэдэхээс өмнө би зүгээр л яг бусад шигээр охидыг хөөрхөн гоёыг нь гайхан харж, зөөлхөн чихэр амтагддаг болохоор хөгжилдөхөөр үнсэлцэж, гэдсэнд минь хэдэн сая эрвээхий бяцхан нүхнээс оргилон нисэх шиг мэдрэмж зүгээр л бусдын адил төрдөг гэж боддог байсан.
Хамгийн анх цэцэрлэгийн бяцхан охин байхад ангийн хөвгүүний минь эгч баавгай шиг том, мэдрэл муутай гэж хардаг байсан ч одоо бодоход саатай л байсан байх гэмээр охин намайг үүдний өрөөний шүүгээ хананы завсар шахаж байгаад хүчээр үнсэж, хэлээ хоолойд минь тулж нүдэнд нулимс цийлэгнэтэл чихчихэж билээ. Тухайн үедээ асар их жигшсэн ч одоо ингэээд тэгж хүчтэй, хүсэл тачаалтайгаар үнсүүлж, бүсгүй хүнд ухаангүй дурлаж явахаа даанч мэдээгүй л дээ. Энэ бүхний дараа 12 наснаас хөх минь ургаж хөвгүүдийн харцанд өртөж явснаас хойш амьдралын минь анхны бөгөөд жинхэнэ бүсгүй хүн гарч ирэв. Мэдээлэл зүйн кабинетын ширээн дээр намайг суулгаад өвдгөө хүртэл татсан оймсыг минь аажуухан шувтлаад шагайнаас дээшлэн зөөлхөн үнсэж, долоож, үмхэж шимж, хазан таалахад зүрхний цохилт түргэсч, амьсгаа давхцаж биеийн бүх шар үс өрвийтлөө босож, 2 гар нь гуя өгзөгнөөс базан татаж нүүрлүүгээ улам нааж өгсөн тэр үед л эрүүл ухаан гэдэг зүйл биеийг минь орхиод гарчихсан. Өөрийн гарнаас өөр зүйл ойртуулж үзээгүй, шингэнээ гадагшлуулахаас өөр өөр юу хийж болдгийг огт төсөөлөөгүй байсан надад тэр газрыг тэгж үнсэж таал, зуны нартай өдөр хүйтэн зайрмаг идэх шиг тийм энхрий зөөлнөөр тамшаалж болохыг үзүүлсэн юм. Үүнээс хойш хавраас намар хүртэл, нарны илч дулааныг бөхтөл тэр бүсгүйтэйгаа хамт байсан. Охин биеийн минь огт хөндөлгүйгээр жаргал цэнгэлийн дээдийг өгөхийн дээдээр өгч өөрийг болон өрөөлийг хэрхэн жаргааж болох, аман секс хичнээн гайхамшигтайг нэгд нэгэнгүй заан либидог минь шүүслэг жимс шиг боловсруулан болгож өгсөн түүнд яаж талархахаа одоо ч мэддэггүй. Энэ бүхний эцэст анхны хайр, Мөөнөөтэйгөө учирч энэ л хөвгүүн минийх болоосой гэж айхтар хүссэн түүнтэйгэ үерхсэн боловч өөр нэгэн дурлалын эзэн болсон бүсгүй өвлийн цастай зэрэгцэн хүрээд ирсэн дээ. Бүсгүй хүний үнэр кинон дээрхи шигээр түүнд маш гүн гүнзгий дурлаж ухаанаа алдчихсан. Хайрлан дурлаж нандигнасан бүсгүй бүрт минь нөхөр гээч хүн үргэлж үйлийн үр шиг дагаад ирдэгт ямар их дургүй хүргэдэг гээч. Тэр бүсгүйг минийх л байгаасай гэж учиргүй их шунаж, үсэнд нь хамраа шургуулаад зөвхөн тэрний үнэрийг юу ч үгүй шуналтайгаар сорон залгиж, сэргэр 2 хөхнийх нь товчлуу зүрхнийх нь гүнийг нэгжих гэсэн шиг ширтээд бүхий л амьдралаа туранхай 2 хөлөөр нь хүзүүгээ ороолгуулчихаад завсар нь байх сарнайг нь бал хайсан зөгий шиг шимж өнгөрөөхийг дийлдэхгүй ихээр хүсэж байсансан. Гэхдээ нөхөртэй тэрний амьдралд жил гарнаас илүү байх заяа даанч тохиолгүй зүрхэндээ шарх,биедээ шивээстэй л хоцорчихсон лдоо. Учирч байсан бүсгүй бүрээ би асар их хайрлан нандигнаж байсан ч хэзээ тэдний надад хайртай үгүйг сонирхож үзээгүй. Айдаг байсан биз. Эмэгтэй хүнийг бүтээсэн хэн ч бай асар суутан байх. Хэдий амьдралын сонголт биднийг бий болгодог ч ямар нэг далдын хүчит соронз зарим бүсгүйчүүдийн умдагт байдагт эргэлзэх зүйлгүй байх.
Интоор шиг уруулнаас нь озоод авахад цөлийг гатлачихаад уусан дарсны эхний балга шиг, шанаагаа тулаад өөдөөс ширтэхэд нь халуу дүүгж, хүзүү эгэм нь араатан амьтан шиг шүдээ зоочихмоор хүсэл төрүүлж, амьсгалахад нь түмбэлзэх 2 хөх нь хэзээ ч үзээгүй тав тухд урин дуудаж, diamond шигтгээн хүйсний нүх нь хүсэл сэрлийн хаалганы хонх шиг эгдүү хүрэм харагддагт нь ямар нэг учир байж л таараа. Цаг хугацаанд ч үл анзаарагдам чимээгүйхэн ургадаг мөлхөө ургамал шиг нэг л мэдэхэд савхан хоёр хөл нь хүзүүгээр ороочихоод хоёр гараа үсэнд лав шигтгэчихээд диваажинд хүргэх үүд хаалгалуугаа улам гүн түлхэн оруулж цээжний гүнээс гиншин тачаадах нь сахиусан тэнгэрийн дуулал, 1000 1000-н далайн дээрэмчдийг үхэллүү нь хөтөлсөн лусын дагины илбэт хоолой шиг тийм хачин жигтэйг яаана. Үсийг нь үнэрлэж, бүхий л үнэрийг нь өөртөө шингээгээд авчихмаар. Амьсгалаар минь дамжин биеийн хамгийн далд хэсэгт очиж байгаа тэр үнэрээр өөрийгөө дүүргээд нүх сүв болгоноо таг бөглөөд ваар сав, дашмаг бортого нь болж хадгалмаар тийм нандин. Энэ насандаа би хэзээ ч эмэгтэй хүнд ханахгүй. Хичнээн эмэгтэйтэй унтаж, хайрлан хамт байсан ч амьд ахуй, дэлхий дээр алхаж буй бүсгүй бүрийг таалсан ч хангалттай санагдахгүй ч байж магад.
Би бүсгүй хүнд тийм их хайртай!
